विठ्ठलच झाला वारकरी!

नको मज पैका तुझा

भले, नको करू वारी

भाव वसो तुझा निर्मळ

हे एकची माझे मागणे !

सुख दुःख तुझे जाणाया

उभा ठाकलो मी येथेच

उगा नको होवू लाचार

ठेवत मनी वेदनेची सल!

व्यर्थ मिरवीत हरी

हिंडतात जगी काही,

जाण जात दंभिकाची

सोडी संग सत्वरी !

माझ्या तुक्याने लिहिले

अभंग रसाळ तात्विक,

करिता चिंतन तयांचे

होईल जीवन सात्त्विक !

बुक्का लावून ललाटी

नको पोसू मनी पाप,

हरण्या तुझे सारे ताप

ठेविलें मी कटेवरी हात !

नको मज पैका तुझा

भले, नको करू वारी

नित्य लाभू दे सहवास मज
तुझ्या निश्चल मानसि

हे एकची माझे मागणे !!

नको मज पैका तुझा...

भले, नको करू वारी...

अविचल निस्सीम भक्तीसाठी

होईल मी ही वारकरी..!!

होईल मी ही वारकरी..!!

- चेतन कोठवदे