तुझ्या अस्तित्वाची मला जाण व्हावी

ऐशी वारी जीवनात पुन्हा पुन्हा व्हावी 

देवा तुझ्या अस्तित्वाची मला जाण व्हावी 

उत्कटता तुझ्या दर्शनाची हरी मना लाघवी 

दर्शनाने अवचित तुझ्या भाव गंगेत माधवी 

तुझ्या नामघोषात सारी वारी आज दंग 

गेले लयास व्यंग गाता तुक्याचे अभंग 

सरू दे - सरू दे दाहक वेदनेच रंग 

आत्ता उरली ओढ भेटी लाहो पांडुरंग 

कुठला कोण मी? मज आठवेना 

 पडला विसर अहंता सापडेना 

नाम स्पर्शाने तुझ्या झालो उदका समान 

माझे असे काही...आता उरले ना भान 

- सचेतन